COCO KALBO

Nagsimula kahapon, Friday, May 29 ang taping ng bagong teleseryeng "Ang Probinsiyano" na pinagbibidahan ng aktor na si Coco Martin mula sa Dreamscape Entertainment-FPJ Production para sa Kapamilya Network.

Akala nga namin, pangkaraniwang taping day lang ang magaganap nung umagang yun na ang mga bida; si Coco at si Ms. Susan Roces ay may mahalagang eksenang kukunan para sa serye.

Noong umaga kinunan yong eksena kung saan inihatid ni Ms. Susan ang apo na si Coco sa bus stop kung saan tutungo ito ng Maynila na may konting drama ang kanilang pagpapaalaman. Simpleng eksena pero madrama dahil maghihiwalay ang mag-lolo.

Pero kinahapunan laking gulat ng social media nang mag-post ang Dreamscape Entertainment ng photo mula sa isang mahalang eksena sa serye kung saan kina-kalbo si Coco bilang panimula nang kanyang pagpasok sa pagka-pulis.

Akala nga ng marami, prosthetics lang ang gamit ng actor sa eksenang pagpapakalbo nito; yun pala totohanan ang pagkakalbo sa buhok niya.

Kabilang sa kuwentong naming ito ay ang mga kasamahan ni Coco na sina Michael Jornales, Marc Acueza, Lester Llansang, Rino Marco and John Medina na lakas loob nag-pakalbo rin para sa kanilang karakter na gagampanan bilang mga police trainees sa "Ang Probinsiyano".

Kabilang sa cast ng bagong aksyon-serye ay sina Albert Martinez, Jaime Fabregas, Angeline Qinto, Bela Padilla at si Arjo Atayde.

"ANG PROBINSIYANO" NAGSIMULA NA

Matapos ang pirmahan ng kontrata at halos one week na pagsasanay kasama ang ilang mga police trainees, natuloy na rin sa wakas ang unang araw(today, Friday May 29)ang taping ng aksyon-teleseryeng "Ang Probinsiyano" mula sa Dreamscape Entertainment-FPJ Production para sa Kapamilya Network.



Naghihintay ng kanilang cue sina Ms. Susan at Coco

Early this week, nabasa ninyo marahil ang updates natin ng training nina Coco kasama sina Arjo Atayde (na gaganap bilang bestfriend niya sa action-serye) at iba pa mga artista sa Philippine National Police Academy.

Dumaan sa pisikal na pagsasanay ang mga artista para lalo nila maintindihan kung gaano kahirap ang pagpapanday ng isang matinong pulis ng ating bansa.

Mula sa stretching, jogging, push-up, pistol firing at ang orientation nila with some PNP officers para maintidihan nila  kung paano mag-isip, gumalaw at mabuhay ang isang pulis nagkabunga din ang masigasig nilang pagsasanay at ngayong araw nga ay nagsimula na ang "Probinsiyano" kung saan sina Coco at Ms. Susan Roces at gaganap bilang mag-lola.

Babalitaan naming kayo sa mga kaganapan at mga balita tungkol sa pagte-telebisyon ng "Ang Probnsiyano" na isa sa mga  malalaking pelikula ni The King Fernando Poe Jr. noong 90's.

Pistol firing exercise si Coco

Kasama sa aksyon-seryeng 'Ang Probinsiyano" sina Bukod kay ms. Susan at Arjo ay sina Albert Martinez, Bela Padilla, Lester Lansang, Jaime Fabregas at Angeline Quinto

Isang eksena sa Ang Probinsiyano

ANG LIHIM NA LOVE NINA LIZA AT ENRIQUE

Totoo kaya ang balita na bago natapos ang romcom serye nina Liza Soberano at Enrique Gil last week, may understanding na diumano ang dalawa na “sila” na at ang official announcement ng dalawa ng kanilang relasyon ay magaganap lang pagsapit ng ika-18th birthday ng dalaga?

 

Sa photo na ipinadala sa amin ng isang mapagkatiwalaang source; tahimik man sina Liza at Quen sa kung ano man meron sila na nabuo (hindi nagtatapos ang "special friendship" nila sa pagtatapos ng kanilang teleserye), tila may “something” na ang dalawa.

 

Kita n’yo naman kung papaano yumapos an binata sa bewang ni Liza na halos tumama na ang boobs ng dalaga sa mga braso ng Quen na kaswal lang at naka-smile pa rin ito.

 

Pansin nyo ba ang singsing na suot ng binata? May kaugnayan ito sa tunay na nararamdaman ng dalawa sa isa't isa.

 

 

 

Ang "singsing" na suot ni Quen ay may kuwento

Abangan ang aming pagsisiwalat tungkol sa "singsing" na ito.

 

 

ANG MAKULAY NA BUHAY NI SEN. PING LACSON

Kung ihahalintulad ang buhay ni Sen. Ping Lacson sa isang bagay, walang kaduda-duda, isa itong kahon ng krayola.

Lahat nang uri nang emosyong dala nang bawat kulay ay naranasan na yata ng dating senador.  Walang kaduda-dudang pang-show business ang naging mga tsapter ng kanyang buhay.

Sen. Ping Lacson

Kontrobersyal at inspirasyunal ang kilalang lider, kaya naman dalawang pelikula nga ang umusbong dito:  yung isa ay ang biopic na “Ping Lacson:  Supercop” noong 2000 na pinagbidahan ng yumaong si Rudy Fernandez, samantalang yong huli ay  ang “10,000 Hours” noong 2013 na fictionalized account ng kanyangpagtatago  hindi bilang presidentiable kungdi isang pugante.
      

Aminado naman ang Senador na madalas nga raw siyang biruin tungkol dito.  “Para raw akong artista dahil palagi ako nahe-headline!” kaswal niyang bungad.

Hindi naman din kataka-taka dahil dalawa na ang kanyang apo na bunga ng pakikipagrelasyon ng kanyang junior na si Pampi kay Jody Sta. Maria at Iwa Moto.

Iwa Moto & Pampi Lacson
 

Ikinatutuwa ba niya ito o ikinalulugod na nagiging mas “showbiz” na ang kanyang buhay publiko?  “Halos pareho ang entertainment world at saka pulitika.  Sa magnitude lang nag-iiba,” ayon sa dating rehabilitation czar noong aftermath ng bagyong Yolanda.

Sa paglaki ng kanyang mga apong si Thirdy at Mimi, mas pipiliin ba niyang maging artista ang mga ito o pulitiko?

Jodi with son Thirdy
 

Ayon sa dating PNP chief, yan ang isang bagay na di niya pinakikialaman kahit noong bata-bata pa ang kanyang mga anak na sina Ronald Jay, Panfilo Jr at Jeric. Hindi raw dapat pinipilit ang mga anak. 

Mas pinahalagahan niya ang paghulma sa kanila lalo't sa kanyang mga apo.  Mapa-showbiz man daw o pulitika, importante yung may taglay silang dignidad.

Sa murang edad, kailangan turuan na natin sila ng sense of what is right or wrong para lumalaki silang may disiplina,” aniya. 

At doon daw siya makakahinga nang maluwag dahil alam niyang tatatag sila tulad ng kanyang mga anak. 

Istrikto ako, pero hindi ibig sabihin nun na hindi ako mapagmahal.  I may not be always there, pero pag may time, I make sure na quality ang bonding naming mga mag-ama at maglolo,” pagtatapos ng dating senador.

Proud Lolo--halatang humuhugot siya ng inspirasyon ngayon sa kanyang mga apo.  At kung sakali man itaguyod pa rin niya ang pagtutuwid nang ating daan, ito ay dahil sa nais niyang ito ang lakaran ng kanyang mga apo.

MANOLO PEDROSA AYAW SA BABAE

Isa si Manolo Pedrosa sa mga baguhan na cutie at hunk na hunk ang appeal.

Matangkad sa taas na 6 feet flat. Ang ganda ng pangangatawan. Guwaping na guwaping na ang tsinitong mga mata marahil ang lalong nagpapakilig sa mga girls na edad 20 and below para magustuhan siya.

Mula nang namataan ng publiko ang Lasalista sa PBB kung saan mula sa labas na manonood ng show sa bahay ni Kuya ay nagbuo ng tambalan nila ni Mariz Rascal; hindi niya inisip na magiging kilala pala siya paglabas niya.

Last year nag-graduate sa High School si Manolo na ewan ko at hindi ko naitanong sa discoverer and manager niya na si Jun Reyes kung paaano niya naispatan ang binata. Sa edad niya na 17, never been into a romantic relationship ang binate.ito’y kung paniniwaalan natin ang sabi niya.

Biro nga namin kay Manolo ay daig ba siya ng  na si Mariz dahil sa edad at 17 years old, dapat may karanasan na siya magmahal at makipagrelasyon.

Tipong goodboy si Manolo. Masunurin sa mga magulang na ang habilin sa kanya ay tapusin muna ang pagaaral kaysa maghanap ng ige-girlfriend. May mga crushes siya pero mas nagseryoso siya sa kanyang studies.

Kaya nga nang makalabas siya sa bahay ni Kuya, ang nabuong loveteam nila ni Mariz mula sa loob ng bahay ay naitawid nila sa isang pelikula na pang-hugot din para sa mga bagets ang “ Stars versus Me” mula sa direksyon ng kuwentista na si Direk Joven Tan na palabas na sa June 3.

Makakasama ng dalawa sa unang pelikula nila sina Janine Desiderio, Dennis Padilla, Rita Avila at Matet de Leon.

 

COCO AT ARJO BATAK ANG TRAINING SA PNPA

Pupusan ang training ng mga artista na kasama sa action-teleserye ng Dreamscape Entertainment na "Ang Probinsiyano" para sa Kapamilya Network.

Mula nang magka-pirmahan ang FPJ Production represented by Ms. Susan Roces at si Ms. Charo Santos-Concio representing ABS-CBN last week na ibinibigay ng biyuda ni The King Fernando Poe Jr. ang rights para ipalabas ang mga pelikula ni FPJ sa Kapamilya Network, isang malaking hakbang din para sa career ni Coco Martin bilang isa sa mga mahahalagang artista ng istasyon na isa-telebisyon ang isa mga mga malalaking pelikula ni FPJ na ginawa nito in the 90's.



Coco Martin  & Arjo Atayde together with other PNP Trainees

Mula nang makumpirma ang proyekto, halos araw-araw na ang mga aktibidades ni Coco at mga artista na kasama sa serye.

Halos araw-araw din ang training ng mga artista mula sa basic physical exercises like push-up, jogging, martial arts at maging ang target shooting para mas makatotohanan ang pagganap nila sa kani-kanilang mga karakter bilang mga pulis sa action-serye.

Malamang, sa halos araw-araw na training nina Coco at Arjo kasama ng ibang mga artista sa PNP Academy, ewan ko na lang kung ang mga muscles nila ay hindi mababanat ng husto at mamaga at kailangan nila ng masahe? Any volunteers?

BAGONG LOVE TEAM: VICE & COCO?

Natuloy din pala ang "presentation conference" nina Vice Ganda at Coco Martin kanina (Tuesday, May 28) para sa isang bagong project na pagsasamahan ng dalawa.

Sa presentation conference, dito dini-discuss at ini-explain ang iba't ibang mga projects na pwedeng pagsamahan ng mga napiling artista. In short, presentation of projects ito para sa mga magbi-bida sa proyekto.

Hindi pa tinukoy kung anong project ito na pagsasamahan ng dalawa, pero ang balita na nakarating sa amin a couple of months ago, magsasama sina Vice at Coco sa isang movie project na ang target playdate ay sa December bago ang MMFF 2015.

Kapag nagkatuluyan, malamang riot ang movie project na ito ng dalawa na dahil matagal na nga magkakilala (noong nagwo-work pa as a waiter si Coco); hindi na sila magkakailangan.

Sa unang photo na nakahaging ang mukha ni Coco kay Vice; mukhang may idea na kami kung ano ang magiging tema ng pelikula ng dalawa. Epek siguro kung RomCom na ang dalawa will play "Mother & Child"? He he he...

JADINE IN SAN FRANCISCO (CA)

Umalis last Saturday sina James Reid at Nadine Lustre para mag-taping sa San Francisco, California (USA) para sa kanilng kauna-unahang teleserye ng Dreamscape Entertainment na 'On the Wings of Love " (OTWOL) para sa Kapamilya Network.

Para sa mga JaDine fans, narito ang ilang mga photos ng dalawa habang nagte-taping sa SFO.

Kasama nina JaDine ang aktres na si Cherie Pie Picache sa biyahe nila.

Ngayong araw ( Tuesday) ay pang-2nd day na ng grupo at ang balik nila ay next week ( 8 days sila doon) para tapusin ang mga mahahalagang mga eksena sa teleseryeng ang tema ay RomCom.

Ang teleserye ay nasa direksyon ni Antoinette Jadaone.