KRIS , WALEY LEVEL UP SA "ETIQUETTE FOR MISTRESSES"

Inaya ko last Friday evening ang isang lalaking kaibigan na manood ng Etiquette for Mistresses. Inaabangan ko kasi na every Wednesday is my movie day dahil araw ng palitan ng mga pelikula. Pero dahil ang daming tao noong opening day para mapanood ko ang obra ni Direk Chito Roño, ‘di na ako nanood at nakipila at mahihirapan ako.

Pero noong Friday(last week) at maaga ako nasa mall, sabi ko sa sarili ko, dapat mapanood ko na ang pelikula na pinag-uusapan nila. Inaya ko ang isang kaibigang lalaki na manood kami. Ayaw niya at “baduy” daw. Ang gusto, ‘yong English movie na The Martian. Kaso 9:30 pm pa ang screening and might as well na hindi masayang ang waiting time namin, hayun napapayag ko rin siya na i-appreciate ang sinasabi niyang “baduy” at saka namin panoorin ang pelikula ni Matt Damon pagkatapos namin panoorin ang pelikula tungkol sa kuwento ng apat na mga kabit.

Pero si mokong na-enjoy niya ang pelikiula. “May aral naman pala. Parang kuwento ng kaibigan ko na nasa Saudi na may kinakasama noon na ‘yong tunay niyang asawa na hindi sila nagkaanak, nagkahiwalay sila. Ayaw kong mangyari ‘yun sa pamilya ko,” komentaryo niya.

We like the film. Simple ang pagkalahad ng kuwento na portion by portion, ang mga rules ng pagiging kerida ay isinasalarawan based sa mga pangyayari sa buhay ng mga kerida sa pelikula nina Kris, Kim Chiu, Iza Calzado, Cheena Crab, at ang nagbabalik na si Claudine Barretto.

Oks ang movie sa amin. No wonder karamihan sa mga manonood ng pelikula ay mga babae na kung hindi man mga magkakabarkadang mga girls (21years old and above market), mga mister nila or boyfriend ang kasama.

Komentaryo nga ng kasama naming lalaki that evening, “Puro mga babae ang nanonood. Ilan kaya sa kanila riyan ang mga mistress? Sino kaya ang mga legal wife sa nakapila ang may problema sa mister nila dahil nangangaliwa?”

Magaling si Claudine kahit may kalakihan pa rin siya on screen na oks naman dahil reasonable naman na sasagutin ng pelikula . Si Iza at Cheena, oks na oks sa kani-kanilang mga roles lalo na si Kim na dahil ang pa-tweetums na image niya ay nabasag na rin sa wakas sa kanyang role as a young kerida.

I was expecting na si Kris ay umayos na. Akala ko nag-level up na siya. The last film na napanood ko sa kanya was ‘yong pinagsamahan nila ni Coco Martin last MMFF 2014 na Feng Shui 2. Akala ko, may changes na to a higher level ang pag-arte ni Kris na love na love ko sa pagiging TV host niya.

Basta ako iritado sa boses niya sa pelikula na mamaos-maos na kapag nagpapaka-hyper na siya sa kanyang eksena, boses na parang pinupunit na yero o ‘di kaya’y chalk na iginuguhit sa blackboard ang tono.

Sabi ng mhin na kasama namin nanood, magaling daw si Claudine. In short natalbugan si Tetay ng nagbabalik na aktres.

No wonder, sa ilang mga film reviews tulad tulad sa Rappler.com at sa Philippine Daily Inquirer, hindi nabangit ang name Tetay bilang isa sa mga magagaling sa pelikula.

For me, Etiquette for Mistress ay pelikula na sigurado ako na hindi ninyo ipagpapalit sa Big Mac, Large Fries at Cola float. Gora na!

MGA BABAE TAKOT MAHALIN SI GERALD ANDERSON

Trabaho lang para kay Gerald Anderson ang pagsasama nila ng dalawang ex-girlfriends niya na sina Maja Salvador at Kim Chiu sa isang dance production number sa isang show ng Kapamilya Network kamakailan.

Kung maaalala pa, sa split-up ni Gerald kay Kim (na kung tama ang pagkakaalala namin ay first love siya ng dalaga), hindi nai-reveal kung ano ang reason ng paghihiwalay nila na nagwasak sa katauhan ng dalaga.

Lately na lang ni-reveal ni Kim na may thid party 'o sa tuwirang salita ay nag-cheat ang binata sa kanya na ni-reveal na lang ng dalaga sa promo ng box-office movie nilang "Etiquette For Mistresses".

Sa kaso naman nina Gerald at Maja, ang akala ng marami ay for good na’t mahal naman nila ang isa’t isa, pero kamukat- mukat mo, split na sila na for no explained reason na until now ay hindi pa rin naging malinaw sa media ang dahilan.

Kung tatanungin mo si Maja, deadma lang ang dalaga at tatawanan nang kuntodo sabay iwas sa tanong. Si Gerald, hindi rin nagsasalita. In short, deadma at ang palusot na lang, “real gentleman” ito at ayaw nang pag-usapan.

Pero sa mga nakapanood sa dance performance ni Gerald with his two ex-girlfriends, halatang hindi solb ang ipinamalas ng binata na dati-rati’y todo-bigay at palaging performance level. Magaling na dancer si Gerald, reason kung bakit naging back-up dancer siya dati ng aktor na si Joross Gamboa bago siya nakilala. Actually, isa ang binata sa mga artista natin na very sexy sumayaw at mag-perform.

 

Sa ngayon, after Maja, loveless ngayon ang binata (as far as I know). In short, walang ka-loving-loving. I just don’t know kung after Kim and Maja, ang tsismis na nasagap namin na double timer daw ang binata kaya nakadadalang mahalin. ‘Di ko alam kung may taga-showbiz pa kayang magmahal sa kanya.

Basta ang alam ko ang mga babae ngayon na dinidikartehan ni Gerald palaging naaalala ang kantang "Don't Break My Heart..." para reminder sa kanila ang sakit na naidulot ng guwaping na actor sa dalawang nakalipas niya na relasyon.

Gerald with Liza & Enrique for "Everyday I Love You"

Si Gerald na solo ngayon at walang love ay kasama nina Liza Soberano at Enrique Gil sa pelikulang "Everyday I Love You" ng Star Cinema showing na sa October 28. I’m sure, may inggit factor si Gerald kay Quen nito, pag nakita niya ang binata kung gaano nito kamahal si Liza.

ELLEN ADARNA KINATATAKUTAN NG MGA LALAKI

Girl for All Seasons’ ang tawag kay Ellen Adarna. No wonder kung bakit siya ang topic ng mga kalalakihan (mga guwapings na yuppies or even mga DOM). Aminin man ni Ellen o i-deny, usap-usapan ang sexy star ng mga “Big Boys” (read: mayayamang negosyante) dahil sa kanyang pagiging “friendly” kapag nalalasing daw ito. ‘Di nga ba’t ilang beses na napapabalita na si Ellen, kapag nalalasing ay nagiging wild?

No wonder, ang mga kalalakihan (lalo na ang mga Big Boys) ay like na like siya at interesadong makilala in person.

Sa latest tsismis na kumakalat, is it true na pinagtatawanan diumano ng mga girlfriends ni Ellen ang dalawang kilalang male star ng Star Magic?

Ang dalawang male stars ay isang kilalang aktor na nauugnay rin sa mga sikat na mga female stars natin. ‘Yong isa naman ay tsini-tsismis na ang hunky nitong katawan ay kabaliktaran naman ang kanyang “jun-jun”. In short, dyutay ang merchandise nito.

Bukod sa pagiging super sexy ni Ellen, one disadvantage sa kanya tulad ng kuwento ng ilan; kiss and tell daw ito sa mga lalaking natsi-tsismis sa kanya. No wonder ang mga lalaki, nae-excite at lalong nagpapantasya sa kanya pero may kaba kung sakaling may chance man sila na makilala si Ellen ng masinsinan,,

FELIX MANALO BIO-PIC GAGAWA NG BAGONG GUINESS WORLD RECORD

Pinatunayan na naman ng Iglesia ni Cristo ang lakas nila kapag ang mga members nila ay nagkakaisa.

Remember the road blockage (sa may bandang Shaw Blvd.-EDSA) almost a month ago dahil sa kontra sila sa pamamalakad ni  DOJ Sec. Delima sa pagtrato sa kaso ng kanilang mga pinuno na halos limang araw din nabalam ang trapik at galit ang taumbayan sa ginawa nila dahil sa kanilang protesta at pagipon-ipon sa kalye na naging sanhi ng pagkaabala sa nakararami?

 

Last Sunday, sa Philippine Arena sa may Bocaque, Bulacan ay  pinatunayan ng mga INC followers and believers na kaya nila buwagin ang Guinness World Record at maglikha ng bago para ang malaking pagtitipon nila sa premiere night ng pelikulang Felix Manalo na pinagbibidahan ni Dennis Trillo na nabreak ng Guinness World Record para sa largest audience for a film screening na sa mahigpit nilang pagbibilang gamit ang isang electronic device na nire-record ang bawat tao na pumapasok sa loob ng arena na may hawak ng ticket na umabot ng 43,624 audience ang naturang premiere showing ng pelikula tungkol sa buhay ng INC founder and leader.

Ngayong araw October 7 ay palabas  na sa almost 300 theaters na ang sabi ay maglilikha muli ang INC ng record para maging box-office hit ang obra ni Direk Joel Lamangan na sa unang araw ng pagpapalabas ay hihigitan nila ang nakatalang biggest hit ng lokal na pelikula na na-produced sa Pilipinas sa unang araw ng pagpapalabas nito.

Dahil sa pagkakaisa ng mga INC faithful, hindi ako magtataka kung bakit tuwing eleksyon; ang mga politiko ay nililigawan ang pinuno nila to get some recommendations na ewan ko kung may havey or waley ang mga endorsements ng mga bosings ng INC sa mga kandidato tulad sa mga natistsismis noon pa man.

Pero sa bio-pic ng lider nila na si Felix Manalo, hindi tinalakay ang iba't ibang isyu na nakabitin sa isipan ng mga non-INC followers tulad  halimbasa sa sinasabing sa pilitang pagbibigay ng abuloy sa kanilang simbahan; ang sinasabing impluwensya ng mga pinuno nila sa kung sino ang kandidatong iboboto at mga sinasabing sikreto nila na ang isang INC member lang ang nakakaalam,

Sa pelikula , nag-focus ang direktor na si Joel Lamangan sa personal na kuwento ng pinuno ng INC mula sa pagkapanganak at kamatayan ni Felix hanggang sa mabuo ang Iglesia ni Cristo sa bansa at kumalat na sa buong mundo.

Ang bio-pic ay produced ng Viva Films at kinabibilangan nina Gladys Reyes, Bella Padilla, AJ Muhlach, Gabby Concepcion at maraming mga artista na sikat na  umekstra.