JUDAY CERTIFIED COOKBOOK AUTHOR NA!

Sa picture pa lang na kuha ng pamosong photographer na si Raymund Isaac ang sarap na tingnan ang mga putahe na kabilang sa mga pahina ng Judy Ann's Kitchen cookbook ng aktres na si Judy Ann Santos-Agoncillo.

Almost two years niya pinaghandaan ang naturang cookbook kung saan siya mismo ang sumulat sa tulong ng kaibigan niya na si Rica Peralejo-Bonifacio at ilang mga food writers para mailahad niya ng tama at akmang salita sa lenguwahe na madaling maintindihan  ng mambabasa.

Nakatikim ka na ba ng "Tinolang Manok na Walang Manok"?

Nasa pahina ng cookbook ang personal old time favorite ng aktres na ayon sa kuwento niya, noong panahon na wala pa silang pera bibili lang sila ng dahon ng sili na sasangkapan ng luya at pipitas ng bunga ng berdeng papaya sa likod ng bahay nila ay presto may masarap na silang "Tinolang Manok na Walang Manok" na ulam;pagmamalaki pa ng aktres na ayon sa kanya ay mas nauna siya nagkahilig magluto kaysa sa natutong umarte noong bata pa siya.

From Juday's own version of Chicken Curry, Picadillo at Chicken Sopas na mga comfort foods ng ating panahon na kinalakhan natin, binigyan ni Juday ng sarili niyang personal touch ang mga pagkain na gustong-gusto natin na palaging inihahanda ng ating mga nanay.

 

 



Sa launching ng cookbook last June 19, 2015 sa Swatch Center sa Pasay Rd., Makati City masayang ibinalita ng aktres na tuwang-tuwa siya sa outcome ng pinaghirapan niyang. Mga old time favorites natin ang ilan sa mga recipes na kasama sa pahina ng cook book na published ng Anvil.

 

Kabilang sa mga pagkain na pinatikim ni Juday sa mga media na dumalo sa naturang book launch ay personal recipe niya na kabilang sa mga pages ng Judy Ann's Kitchen ay ang Grilled Shirmps  with Jicama Salsa (na super sarap); Steak Rice with French Beans na ipinagmalaki mismo ng mister niyang si Ryan Agoncillo sa amin; Thai Beef Lettuce Wraps at ang Juday's version ng Marinated Baby Back Ribs na nagkaroon pa ng third serving dahil mabilis naubos.

Ayon sa chef na si Gene Gonzales na President ng Center for Asian Culinary Studies na  sumulat ng foreword ng libro: " Knowing Judy Ann, this book is just one step to more delicious possibilities in the future. Her school and mentors take pride and joy in her joining the roster of culinary authors in our country"

Congrats Juday!

SI LIZA SOBERANO ANG BAGONG BEA ALONZO

After watching Star Cinema’s “Just the Way You Are”, tama ang hinala ko na pareho kami ng nasa sa isip ng mga pamunuan  ng Star Cinema na sina Liza Soberano at Enrique Gil ang bagong John Lloyd Cruz at Bea Alonzo sa liga ng mga kabataang artista na nasa hanay nila.

Hindi sina Kathryn Bernardo or Daniel Padilla ang papalit sa trono nina Lloydy at Bea. Hindi rin sina Julia Baretto at Inigo Pascual ang uupo sa trono ng dalawa na nag-level up na.

Cute ng tambalan nila. Aliw ako sa ng hotdog scene nina LizQuen; ang pa-cute ng binata sa pelikula na bagets na bagets ang peg. Pero not to forget ang mga hugot scenes ng dalawa lalo na si Liz na damang-dama mo ang nararamdaman habang pinapanood mo ang eksena niya na hinahanap niya kay Quen ag bulok niyang sneaker; ang paguusap nila sa loob ng kotse na after watching that scene ay bulls eye ako na si Liz ang bagong Bea Alonzo ng showbiz.

Puno ang sinehan sa LFS sa Gateway Cineplex na mostly mga girls na edad 18 and above(kasama ang mga boyfriend nila) ang market ng pelikula.

Bukas, Friday ay nakatakda umalis patungong USA ang dalawa para dumalo sa block screening ng pelikula nila. Sa US, muli magkikita in person ni Liza ang ina niya na naka-based sa Sta. Clara, California (near San Jose sa may Bay Area) after almost 7 years. Sa Skype lang daw nagkakapag-communicate ang dalawa.

 

Sa pagbabalik ng dalawa ay pa-planuhin naman ang next teleserye nila after Forevermore na ipapalit sa teleserye nina Kathryn Bernardo at Daniel Padilla na Pangako sa 'Yo.

 

Last night sa first day of showing ng"Just The Way Your Are" ay lagare sina LizQuen sa mga dinaluhang block screening ng pelikula nila kaya after nila mag-theater rounds, habang kausap ko ang manager ni Liza na si Ogie Diaz over late dinner, sabi ni Ogie ay tulog na daw si Liza sa sobrang pagod and that was only around before midnight.

 

Today, tuloy ang pag personal appearance ng dalawa sa mga blocking screening ng mga taga-suporta at fans nila.

 

LIZA AT ENRIQUE SWAK ANG TIMPLA

Tama ang timpla kung bakit nag-swak sina Enrique Gil at Liza Soberano. Cute kasi sila tingnan pareho. Kaya nga happy ang dalawa dahil right timing ang pagpapalabas ng teleserye nilang "Forevermore" noon na nagdala sa kanila sa estado kung saan masasabing isa sila ngayon sa mga hottest love team na nabuo ng Kapamilya Network.

Si Quen, sinubukan nila na I-partner kay Julia Barretto na akala ko nga noong una ay okey na. Pero sablay at ang hirap makabuo ng fan based ang dalawa hanggang sa matapos ang teleserye nila ay pakiwari ko'y walang clamor for another project na para masundan. Si Julia, mas bagay kay Inigo Pascual.

Dahil sa magandang feedback sa LizQuen love team , di na nagdalawang isip ang Star Cinema na sundan ang trending na pagkahumaling ng sambayanan sa tambalan ng dalawa via the movie “Just the Way You Are” na palabas simula ngayog araw June 17. Sa premiere night yesterday dinumog ang event mula sa ground floor pa lang ng SM Megamall hanggang sa theater lobby sa 3rd floor.

Sa trailer, cute ng dalawa. Sexy si Quen sa kanyang mga shirtless scences na ngayong araw ito ang panonoorin ko para hindi ako maging huling sa usap-usapan ng bayan.

Hopefully maging positive sa box-office angh pelikula We love the LizQuen team-up na sana hindi lang ito ang unang pelikula na pagsasamahan ng aming “prinsesa” at ni Enrique.

JUDAY SPANISH BREAD ANG PINAGLILIHIAN

Masaya ang desposisyon ng aktres na si Juday Ann Santos ngayon nang mabalitaan nila ng mister na si Ryan Agoncillo na buntis siya sa pangalawang pagkakataon. Palaging nakangiti at laugh trip si Juday.

Matagal din hinintay ng mag-asawa ang pagkakataong ito na hari nawa'y maging kambal (ang gusto ni Ryan) ang magiging baby nila.

Pero alam n'yo ba na ang masarap na "Spanish bread" na bini-bake ni Mommy Carol Santos ang pinaglilihian ngayon ng aktres?

Food trip daw ngayon si Juday dahil last Sunday, nang bumisita ang mag-ina sa Legaspi Farmers Market sa Makati last Sunday, kung anu-ano ang mga pinagbibili na prutas ng kanyang anak.

"Ang dami niya pinagbibii. Langka, ginataan at kung anu-ano," kuwento ni Mommy Carol sa phone interview kanina (Monday, June 16) sa programang Mismo sa DZMM 630AM nina Jobert Sucaldito at Ahwel paz (pero si MJ Felipe ang naging co-host ni Jobert at nasa USA si Papa Ahwel).

Food trip ang buntis at si mister

Pagkatapos nila magsimba sa St. Pio Chapel sa may bandang Libis, Quezon City nang mag-merienda sila ang inorder naman diumano ni Juday ay champorado, tuyo at suman; kuwento ni Mommy Carol.

Dahil sa kalagayan ngayon ni Juday lahat ng projects niya ay naka-shelve muna kasama na rito ang teleserye na dapat sana nila pagsasamahan ni Richard Yap at Diether Ocampo na ipo-produce ng Dreamscape Entertainment para sa Kapamilya Network.

Sa isang invitation na natangtap namin kanina para sa darating na Friday, June 19, makakaharap namin ng personal si Juday and hopefully makakuha kami ng additional information mula sa aktres sa estado niyang buntis at sa mg plano niya sa nalalapit na panahon.

HONEYMOON NINA DIREK PAUL AT TONI REGALO NI KRIS

Bongga si Kris Aquino at nagpasiklab.
Bilang isa sa mga ninang sa kasalang Direk Paul Soriano at Gonzaga last Friday, June 12 ay isang pabulosang honeymoon package ang regalo ni "ninang" sa expensive Amanpulo para sa bagong kasal.

Sa pagbabalita ni Tetay kanina sa kanilang Aquino and Abunda Tonight show ni Boy Abunda, nauna  nagpa-reserve si Direk Paul para sa kanilang pulot-gata ni misis. Pero na-intercept ni Tetay ang naturang reservation kaya siya na mismo ang nagbayad para sa naturang  honeymoon package.
Ibinalita ni Tetay na kaninang umaga (Monday, June 15) umalis ang bagong kasal para sa kanilang honeymoon.