DAHIIL SA "PRINCESS IN THE PALACE" AIZA PINAGPAHINGA NG KAPAMILYA NETWORK

Huling bonding ni Aiza Seguerra with her fellow performers sa ASAP noong nasa London sila. After ng concert nila sa mga Pinoy para sa "ASAP in London" ng ABS-CBN and TFC gumimik sila ng kapwa “Sessionistas”.

Naging close si Aiza sa mga kapwa singers and performers dahil every Sunday, napapanood natin siya sa ASAP for the past six years. Bukod dito, naging regular cast din siya ng morning teleserye na “Be Careful with My Heart”.

Pero dahil sa bagong project ni Aiza sa TAPE,Inc ang tinuturing niyang “home”(dito siya nagsimula na producer ng Eat Bulaga); pansamantala naka-LOA (Leave of Absence) muna siya dahil sa tinaggap na morning serye na "Princess in the Palace” na magsisimula na sa Lunes, September 21 bago mag-EB.

Sa katunayan, wala naman talaga conflict sa tingin ni Aiza ang show na tinaggap niya dahil hindi naman direct competitor ang bagong morning show na pama-good vibes tuwing umaga kung saan bida si Ryza Mae Dizon. Pero may desisyon na mula mismo sa ABS-CBN Management na ang kanyang pansamantalang pamamaalam sa istasyon ay ipinarating ng pamunuan sa kanyang manager na si Anabelle Borja (in short ay hindi man lang siya kinausap?).

“Pero it's a directive galing sa management that I have to respect. I don't hold any grudges against them na they have to do that. After all, this is a business, they have to protect their business," kuwento niya sa amin.

Sa bagong morning show ni Ryzza Mae; Aiza plays the role of head for security ni Madam President played by Eula Valdez.