Nang malaman niya na personal choice siya ni Ms. Susan Roces para gumanap sa isa sa mga mahahalagang pelikula ng yumao niyang mister na si The King Fernando Poe, Jr. (FPJ) ay kinabug si Coco Martin. Bigla siya kinabahan. Hindi naman kasi basta-bastang project ang pelikulang "Ang Probinsiyano" na ginawa ni The King with sexy stars Amanda Page and Dindi Gallardo noong 90’s na ngayon ay isasa-teleserye ng Dreamscape Entertainment in cooperation with FPJ Production para sa Kapamilya Network.
Excited ang actor sa kanyang role at sa bagong hamon na ibinigay sa kanya pero mas lalong kinabahan si Coco nang malaman niya na si Ms. Charo Santos-Concio mismo ang pumili sa kanya para maging bida sa serye na sa dinami-dami ng mga artista ng ABS-CBN Network at Star Magic siya ang ang choice ni Manang Inday at Ms. Charo. Sabi nga ni Coco, “It’s an honor. Aaminin ko, kabado ako. Pero nagpapasalamat ako kina Mam Charo," sabi niya.
Nagpapasalamat din siya kay Ms. Susan Roces sa malaking tiwala at break na ibinigay sa kanya.
Ang serye na magpapakita ng kadakilaan ng mga kapulisan natin ay magsisimula na anytime at sa katunayan ay puspusan ang training ng mga artista sa Philippine National Academy. Kabilang sa bagong teleserye bukod kay Coco at Ms. Susan (playing his Lola sa serye) ay sina Albert Martinez, Bella Padilla, Angeline Quinto, Jaime Fabregas at Arjo Atayde playing Coco's "bestfriend".
No comments:
Post a Comment