ARJO ATAYDE SASABAK SA ACTION TELESERYE

Sa pagkakaalam ko, kasali si Arjo Atayde sa bagong teleserye nina James Reid at Nadine Lustre na "On the Wings of Love" na produced ng Dreamscape Entertainment para sa Kapamilya Network.

Sa katunay an ang tagal din kasi ng waiting period ni Arjo bago nasundan ang kanyang huling teleserye with Alex Gonzaga ang "Pure Love" bago dumating ang proyekto kung saan may mahalagang role sana ang binata sa kauna-unahang teleserye nina JaDine sa ABS-CBN.

Pero may  pagbabago. Arjo is out of the JaDine teleserye pero mas maganda naman ang ipinalit na proyekto ng Dreamscape Entertainment sa pagkawala niya sa pambagets na romcon nina James at Nadine dahil he will play the "best friend" of Coco Martin sa bagong teleseryeng "Ang Probinsiyano" na halaw sa pelikulang ginawa noon ni  The King FPJ Fernando Poe Jr. in the mid 90's.

Actually, hindi lang tipikal best friend ng bida ang gagampanan  na karakter ni Arjo na ayon sa kanya ay may magandang twist sa kuwento na hindi na niya dinitalye during the formal media announcement last Monday.

Mula nang I-announce sa media ang bagong teleserye ay puspusan na ang pagsasanay ng mga kasali sa pelikula. Halos araw-araw ay nasa Philippine National Police Academy(PNPA) ang mga artista na kasali sa training ng mga regular at real trainees ng PNP.

Tinuturuan sila ng iba't ibang mga martial arts skills; paghawak ng mga ammunitions at pati pagbaril bukod pa sa kasa-kasama sila sa morning exercises ng mga nagte-training para maging pulis like jogging, pag-push-ups at mga physical endurance test para maranasan nila ang tunay na buhay at pinagdaanan ng mga kapulisan natin. Bukod kay Arjo, kasama rin na nage-training ang mga aktor na sina Art Acuna, John Medina, Lester Lansang at maging si Angeline Quinto.