RIA ATAYDE ANAK NI SYLVIA SANCHEZ MARUNONG UMARTE

Impressive sa amin ang first television exposure ni Ria Atayde; ang dalagang anak ng aktres na si Sylvia Sachez at ng businessman na si Papa Art Atayde noong Tuesday nang lumabas sa pangumagang teleseryeng "Ningning" ang dalaga as Titser Joy ng bibong bata sa pinapasukan na public elementary school.

Ang ganda ng rehistro ni Ria sa telebisyon at sa unang eksena niya kung saan sa pagbaba niya ng kotse na inihatid siya ng “boyfie” na si Jacob Benedicto, nagulat kami sa lakas ng presence niya.

Short performance lang ang eksena ni Ria sa episode yesterday, kung saan habang naglalakad siya patungong principal’s office sa public elementary school na pagtuturuan niya, kita mo na ang brilyo niya.

Bukod sa maganda, maamo ang mukha (na pang-bida); bukod sa maganda ang timbre ng boses niya. Pang-bida si Ria in the next few years na puwedeng ihanay sa mga tulad at tipo nina Kristine Hermosa at Bea Alonzo at ang mga kaliga nito.

Biniro ko nga si Ibyang (Sylvia) na puwede na siyang mag-retire dahil nalalapit na, ang anak naman niya ang raratsada tulad ng panganay niya na si Arjo Atayde who have proven na isa sa mga magagaling nating mga artista sa liga ng mga baguhang aktor natin na malapit na rin mapapanood with Coco Martin in Ang Probinsiyano.


Si Ria, malakas ang presence sa una niyang sultada  sa morning serye ng Ningning . Makikita mo na kaagad na may "kinang" na kapag naalagaan malayo ang mararating sa mundo na gusto niya kabinilangan.

Kaninanang umaga, Friday sa kanyang eksena with Ningning, ipinamalas na kaagad ng dalaga that she's not just a pretty face sa television kundi marunong din siya umarte  just like her mom.

Nag-aral sa Poveda from kinder to high school at nagtapos ng LiaCom sa DLSU at aktibo sa student council nila, unang pangarap ni Ria ay maging isang broadcast journalist at magtrabaho sa CNN. Gusto niyang maging isang dekalibreng broadcast journalist tulad ng mga idol niya na napapanood lang niya sa mga international news program sa cable.

After last Tuesday's performance on Ria nagpost kaagad ang mom niya na si Sylvia ng mensahe sa kanyang FB wall at ang sabi:" “Congratulations anak!! Sobrang proud kami ng daddy mo habang pinapanood ka namin!! Nakamit mo na rin ang matagal mo nang pinapangarap. Pag-igihan mong mabuti ang bagong landas na pinasok mo, mahalin mong trabaho mo, pakabait ka sa lahat ng taong makakasalamuha at makakasama mo, wag mang-apak ng kapwa, pag-aralang mabuti ang bawat role na ipagkakatiwala syo, maging professional at higit sa lahat wag maging pasaway sa set!!

Yahooooo!! Kakaproud lang nak!! Goodluck Maria Sophia Atayde! We love you, Potpot!”

Happy kami kay Ria sa bagong landas na tinatahak niya. I still remember si Ria na makulit na super chubby na kawawa siya sa dahil sa kakurot namin sa kanyang pisngi because of her cuteness noong nakatira pa sila sa Riverside sa Pasig habang nilalantakan namin ang "tacos" ala Sylvia Sanchez nina Ana Pingol at Lucille Jarina  kapag dumadalaw kami sa aktres in the early 90's.

Dahil sa maganda feedback sa performance ni Ria, nalalapit na rin ang panahon na makikipagtagisan na rin ng acting talent ang dalaga sa ina kung saan Sylvia plays Mamay (lola  ni Ningning) sa moring serye bago mag Showtime.

Basta Ria, always remember nandito lang si Tito Roel mo to support and defend you tulad ng pagpapamahal ko rin kay Mommy mo at Kuya Arjo. ‘Yun nga lang, tanggapin mo na loka-loka ako at iba ang timpla ng iniinum kong kape!