IN LOVE SI SYLVIA SANCHEZ

May sariling kuwento ng pag-ibig din sina Sylvia Sanchez at Rommel  Padilla sa morning pampa- good vibes serye na "Ningning" na napapanood sa Kapamilya Network.

Yes, ang dating masungit na si Mang Cris (Rommel) ay tila in love na kay Mamay (Sylvia).

Yes, there is life sa mga pasado 40 at ito nga ang kuwento nina mamay at Cris sa morning-serye.

Kaya nga nakakatuwa tingnan ang “kilig moment” ng dalawa lalo pa’t sino ang magaakala na sa edad nila pareho ay muling titibok ang mga puso nila sa isa’t isa.

Maging si Ibyang (Sylvia) kinikilig din sa kuwento nilang dalawa ni Mang Cris. “Mas tutoo kasi. Alam mo yun ang nangyayari sa dalawang tao na gusto nila sa isa’t isa. Di ba may eksena na akyat ligaw pa si Mang Cris at may dalang barbeque? Pati love notes na bigay niya kay Mamay, kasama sa mga eksena,”  paliwanag ng aktres sa amin na pukpukan ang taping sa Ningning dahil sa darating na Friday, November 6 ay paalis siya kasama ang manager niya na si Tita Ange para dumalo sa 14th Gawad Amerika Awards na magaganap sa Celebrity Centre International sa Hollywood, Los Angeles (Calfornia) sa darating na Sabado November 7.

Kabilang sa mga celebrities and personalities na bibigyan ng parangal ay sina Boy Abunda ( Hall of Fame); PAO Chief Atty Persida Acosta and  singer Mitoy Yonting.